கோஸ் உருளைக்கிழங்கு கூட்டு

வறுவல்களை விட கூட்டு வகைகளில் சத்து அதிகம். காய்கறிகளை அவிப்பதாலும் பருப்பு சேர்ப்பதாலும் கூட்டுகள் உடலுக்கு கேடு விளைவிப்பதில்லை. மாறாக காய்கறிகளின் சத்துக்கள் அழியாமல் காக்கிறது.

இதெல்லாம் தேவை

முட்டை கோஸ் - 400 கிராம்
உருளைக்கிழங்கு - 100 கிராம்
பாசிப்பருப்பு - 100 கிராம்
கடலைப்பருப்பு - 100 கிராம்
தேங்காய் - அரை மூடி
பச்சை மிளகாய் - 5
மஞ்சள் தூள் - அரை தேக்கரண்டி
சீரகம் - 1 தேக்கரண்டி
எண்ணெய்- சிறிதளவு
கடுகு- சிறிது
கறிப்பிலை - சிறிது

இப்படி செய்யவும்

கோஸ், உருளைக்கிழங்கை பொடியாக நறுக்கிக் கொள்ளவும். உப்பு மஞ்சள் தூள் சேர்த்து வேக விடுங்கள். பச்சை மிளகாய், தேங்காய், சீரகம் ஆகியவற்றை அரைத்துக் கொள்ளவும். கடலைப் பருப்பு, பாசிப் பருப்பு இரண்டையும் வேக வைத்து முட்டை கோஸ், உருளைக்கிழங்கில் சேர்த்து, தேங்காய் கலவையையும் கொட்டிக் கலக்குங்கள். கடைசியாக கடுகு கறிவேப்பிலை தாளித்துக் கொட்டுங்கள்.